बिजुलीको महसुल नगरपालिकाले तिरिदिने भएको छ,पूरा पढ्नुहोस्

ताजा समाचार

रौतहट ।

रौतहटको फतुवा विजयपुर नगरपालिकाको चौथो नगरपरिषद् ढिलो गरी सम्पन्न भएको छ । गत असार १० मा सकिनुपर्ने नगरसभा असोज ३० मा सम्पन्न भएको हो ।

 

नगरसभा ढिलो भए पनि सर्वसाधारणलाई भने प्रत्यक्ष राहत दिने निर्णय गरेपछि नगरका सर्वसाधारण खुसी देखिएका छन् । नगरसभाले नगरभित्रका सम्पूर्ण किसानको कृषि कार्यमा प्रयोग हुने बिजुली तथा घरायसी काममा प्रयोग हुने बिजुलीको बिल नगरपालिकाले तिर्ने निर्णय गरेको छ ।

 

असोज महिनादेखि आगामी असारसम्मको बिजुलीको बिल तिर्न नगरसभाले ७० लाख रुपैया विनियोजन गरेको छ ।उद्योग, कलकारखना तथा व्यवसायमा प्रयोग हुने बिजुलीको बिल भने सम्बन्धित व्यक्ति वा निकायले नै तिर्नुपर्ने भएको छ ।

शिक्षा, स्वास्थ्य, भौतिक पूर्वाधार, सडक, खानेपानी र यातायातलाई विशेष प्राथमिकतामा राखेको बजेटले सबैभन्दा ठूलो राहत सर्वसाधारणलाई दिएको छ । कृषि विद्युत् महसुल नगरपालिकाले नै तिर्ने भएपछि नगर क्षेत्रमा कृषिको विकास हुने विश्वास स्थानीयवासीले गरेका छन् ।

Leave a Reply

Your email address will not be published. Required fields are marked *